Hæ hó,

  Ég er á þokkalegu róli þessa dagana - þetta námskeiðsem ég er á er að virka nokkuð vel ... auðvitað kemur yfir mann lægð annað slagið og maður fer í eitthvað rugl mataræði.  En þá er bara að stoppa sig af og koma sér aftur á beinu brautina.

  Ég flexast fram og til baka í þyngd.  Eina vikuna fer ég niður og næstu kannski aðeins upp og svo aftur niður og svo framvegis.

  Það er s.s. ekki mikið að frétta af mínum vígstöðum frekar en fyrri daginn.  Vonandi gengur ykkur öllum vel.
 

Daginn,

  Þrátt fyrir lof um bót og betrun á skrifum hér stend ég mig ekki neitt.  Enda búið að vera nóg að gera síðan ég byrjaði aftur í vinnunni.

  Er komin aftur í ræktina og það gengur bara ágætlega, finn mun á mér sérstaklega andlega.
  Er svo komin á hópnámskeið hjá KMS og ég er að vona að þar fái ég aukið "þrek" og "styrk" á huglæga þáttnum til að takast á við þetta ferðalag mitt.  Sem svo oft hefur endað á byrjunarreit.

Sæl öll!

  Jájá maður er komin aftur í heiðardalinn - þó það sé nú langt síðan ég kom síðast þá kem ég alltaf við annað slagið.

  Af mér er þokkalegt að frétta, búin að eiga ágætis sumarfrí og er svo komin aftur í vinnuna - sem er að vissu leyti ágætt því ég var orðin svoldið þreytt á að hanga svona heima allan daginn.
  Því miður dróg ský fyrir sólu í miðju sumarfríinu mínu en þá lést elskulegur frændi minn eftir nokkurra mánaða baráttu við krabbamein - þessi "áfalli" hefur fylgt smá lægð og ýmsar pælingar.

  Hef ákveðið að fara og fá "meiri" aðstoð í haust (s.s. hjá einhverjum faglærðum einstakling) og sjá hvort ég geti ekki komið mér á betra ról.  Mér er eitthvað farið að líða svo illa andlega.

  Í leiðinni ætla ég að díla við mömmu um að sækja prinsinn á leikskólan 2x í viku í haust og á meðan fer ég í ræktina.  Nú svo vorum við vinkonurnar að gæla við þá hugmynd að skella okkur í magadans í haust!  Nóg að gera hjá manni, það vantar ekki!  Vorum að gæsa eina stúlku í vikunni og fórum með hana í magadans - það heppnaðist svo vel að hópurinn vildi bara skella sér á námskeið....

  En mataræðið já - pjah það er fokið lengst út í veður og vind!  Ég hef óskaplega lítið sinnt því satt best að segja, og ég s.s. finn alveg mun á mér við það.  En ég er nú byrjuð að skella í mig vítamínum og er að koma hausnum í þann fasa að fara í ræktina.

  Vonandi gengur ykkur öllum vel!

Þetta hefur ekki gengið nógu vel, þegar daginn tók að lengja fór nennan hjá mér að minnka og því höfum við vinkonurnar verið dyggir stuðningsaðilar líkamsræktar á höfuðborgarsvæðinu.

Ég er alltof góð við sjálfan mig eins og svo oft áður og finn alveg hvað ég uppsker með því.  Vöðvabólgan mín skánar lítið (skiljanlega) og ég reyni ötullega að minna mig á hversu vel mér líður þegar ég er búin í vörkátinu og sturtunni og er á leiðinni heim .... er fyrir löngu síðan búin að éta gulrótina.

Samt lofa ég alltaf bót og betrun og mig langar sjálfri til að standa mig betur.  Andlega hliðin mín hefur nefnilega líka átt undir högg að sækja - mér hefur liðið alveg óskaplega illa og verið ansi "langt niðri" ef svo er hægt að komast að orði.

.... vildi bara láta mína fáu lesendur vita að ég er enn á lífi ... og lífið gengur þokkalega ...

  Ég held að ég þurfi að temja mér það að nýta þetta blogg sem minn stuðning - en ætli það séu ekki flestir hættir að kíkja við.
  Ég veit líka mína annmarka, eins og það að þýðir lítið fyrir mig að vera með gulrót við endan á einhverju verkefni því ef það gengur ekki sem skyldi þá er ég fljót að gefast upp og éta gulrótina .. þið skiljið hvað ég er að fara?

  Ég er búin að vera í óttalegri lægð undanfarið sem ég á erfitt með að ná mér upp úr, andlegri lægð s.s.  Finnst ég hafa mistekist á svo mörgum sviðum og get velt mér upp úr þessu neikvæða daginn út og inn.  

  Ég reyni að passa mig að fara að minnsta kosti tvisvar í viku í ræktina og púla smá, finn að mér líður betur líkamlega og svo andlega líka.  En nú er ég í "nennessuekki" tímabilið með ræktina - ég kem mér lítið og illa af stað.  Er óskaplega fegin að hafa vinkonu með mér sem hefur það aðdráttarafl að maður drífur sig, annars væri ég örugglega manneskjan sem frestaði þessu um einna og einn dag ... eða fram yfir helgi og svo framvegis.

  Ætla að setja smá pásu á þetta í sumar, eða á meðan ég fer í sumarfrí með orminum mínum.  Og held að ég nýti tíman til að endurmeta stöðuna og setja mér bara örlítil markmið.  Á meðan held ég áfram að skella mér 2-3 í viku í ræktina ... halda mér við.
  Komst nefnilega að því að það þarf svo óskaplega lítið til að það sem maður hefur unnið hörðum höndum að í dágóðan tíma, eins og þessi ræktarmál, það bara rennur út í sandinn á ótrúlega fljótum tíma ef maður heldur sér ekki við!  Sorglegt en satt.

  Jæja .. langaði aðeins að tjá mig fyrst ég mundi eftir þessari síðu.  Vona að þið hafið það öll voða gott í vorinu/sumrinu ... Og gangi ykkur vel

 
Ég þarf að passa betur upp á mig og hætta að vera svona góð við mig - merkilegt hvað ég þarf lítið til að fara að detta ofan í eitthvað sætt.... þoli það ekki.  Og mig langar svo til að gera eitthvað í mínum málum.  Ekki það að ég finn mikinn mun á mér eftir að hafa verið í ræktinni s.l. mánuði .. eða sl hálfa ár! Vá hvað tíminn líður.

  Ég gat þetta á sínum tíma þegar ég fór í stífa þjálfun til einkaþjálfara - þá lak þetta af mér, en ég þurfti auðvitað að hafa smá fyrir því.  En þannig er líka lífið!
 
  En er eitthvað "þung" þessa dagana, andlega þesa - þarf lítið til að ég verði hálf þunglynd og langi bara að hanga undir sæng upp í rúmi að éta eitthvað sukk! 

  En nú vendi ég mínu kvæði í kross hendi upp einu brosi eða svo og fer að vinna ...

  Gleðilegt sumar

Bara að láta ykkur vita að ég er á lífi og í fullu fjöri. Það er nóg að gera hjá mér eins og vanalega.  Er líka stolt af mér að ég dríf mig í ræktina lágmark tvisvar í viku - þó svo að suma daga þá langi mig alls ekki neitt til að fara og dunda mér í ræktinni dríf ég mig samt ... og mikið verð ég yfirleitt glöð og sátt þegar ég kem út í bíl.

Mataræðið er enn í tómu tjóni ... fögur fyrirheit þegar starfsaðstaða mín flutti fuku út í veður og vind - en það er svona.  Batnandi fólki er best að lifa er það ekki?

Gengur ekki vel hjá ykkur hinum?

Góða helgi

   Jæja ég er komin aftur - allt búið að vera á fullu og mataræðið eftir því.  Ótrúlegt hvað ég þoli litlar breytingar á minni daglegu rútínu til að allt fari til fjandans í mataræðinu

  Ég er núna flutt á nýjan stað í vinnunni og ætla að reyna að koma þessum matarmálum í aðeins betri horf.  Nú hef ég aðgang að ísskáp og svoleiðis lúxus þannig að það er auðveldara að geyma matvöru sem ég nota í hádegismatinn.

  Annars hef ég voða lítið að segja er eitthvað hálf dofin .. er það nú reyndar oft fram til 15-16

  Ég held áfram ótrauð.  Förum í ræktina þrisvar í viku og ég er farin að finna fyrir því annað slagið að ég fæ stundum svona "oohh djö ... væri ég til í að skella mér í ræktina núna" - svo ég held að þetta sé allt á nokkuð góðri leið.

  En ég "gleymdi" mér þarna smá í ca viku og þá kom hálft kíló aftur og settist að hjá mér.  Svo núna undanfarið hef ég verið að reyna að passa mig.  Við gerðum líka meira plan í ræktinni.  Förum eftir plani þjálfarans 2svar í viku og tökum svo brennslu 1 dag í viku, labba og hjóla og svona skemmtilegt.

  Svo fjárfesti ég í gönguskóm þegar ég fékk útborgað svo núna er ég almennilega skóuð og vona að það fari aðeins að minnka snjórinn og þá er ég til í að skella mér í smá göngutúra t.d. um hverfið heima ... það þarf ekki að fara svo langt til að komast í fallegt umhverfi þar.

  Ég er lika orðin voða dugleg að muna eftir vítamínum mínum.  Og reyni að horfa ekki í sætinda hillurnar þegar ég fer að verzla því þetta vill oft rata upp í munn og ofan í maga ef það er til heima.

  Annars lítið s.s. .... heyrumst

  Komin með beiðni 654657321654 í sjúkraþjálfun, ef ég þarf á því að halda þeas - eitthvað sem ég þarf víst að finna út sjálf skyldist mér á lækninum.  Þetta er víst kvilli sem hverfu aldrei en hægt að halda í skefjum.  En hvað ég er fegin að hér er aragrúi af góðum sjúkraþjálfurum  ... mæli með að allir sem þurfa á sjúkraþjálfun að halda drífi sig - sérstaklega ef það er vöðvabólga ... þetta getur verið svo herfilega slæmt og haft áhrif svo víða.

  Ræktin er komin í gang aftur og er ég glöð með að hafa drifið mig áfram - mig munar um að hafa einhvern með mér.  Ég var næstum búin að veðja á að þegar kortið rynni út og tímarnir hjá einkaþjálfarnum búnir þá myndi maður slukstast að endurnýja kortið og allt það .. en nei nei enginn miskun þegar við erum tvær saman í baráttunni.

  Nú nýtum við planið sem við fengum hjá þjálfa,  mjög gott að hafa eitthvða fast plan til að fara eftir.  Annars stóðum við eins og kjánar á miðju gólfi í stöðinni og vissum ekkert hvað við ættum að gera næst.

  Tölti svo á vigtina á föstudaginn og gat ekki betur séð en ég hefði náð mér niður um rúmt kíló!  Jibbí .. nú er bara að halda þessu gangandi og hver veit hvar maður verður þá næsta sumar ...

  Já gerði árssamning við ræktina og ætla mér sko ekki að verða enn einn styrktaraðilinn - þetta er of dýrt til þess svo mikið er víst!

  Annars á ég að vera að vinna núna, en er eitthvað svo annars hugar.

  Hafið það gott og gangi ykkur súper vel .. heyrumst

Já ... ég er að detta ofan í sama vesenið og áður - líkaminn öskrar og gargar á sykur og koffín, því miður er stutt í næstu sjoppu hér á vinnustaðnum og því vill stundum verða að þegar ég er alveg að sofna fram á lyklaborðið eða vantar að einbeita mér að ég dett í það að fá mér fljótfengna orku

En það er s.s. ekki nema ein leið eftir að maður fellur og hún er upp á við

Búin að panta mér tíma hjá heimilislækni núna í vikunni og ætla að spjalla aðeins við hana um ástandið á mér. Vöðvabólgan bara versnar og versnar og ég hef stundum þurft íbúfen til að geta byrjað daginn - þmt að koma afkvæminu í útifötin!  Ég er búin að ákveða að ég vil ekki enda ónýt langt fyrir aldur fram ... er hálft í hvoru að vonast eftir minnkuðu starfshlutfalli, til að geta unnið mig almennilega út úr þessum vítahring.

Langar einnig svoldið til að undirstinga doksan með Reykjalundi, kannski það gæti hjálpað mér að komast á betra skrið. 

Langar mikið til að skella mér aftur á danska en er ekki vissum að ég geti valdið því eins og er - m.a. sökum tímaleysis.  En aftur ætla ég mér að koma grænemtinu inn - þó það sé ekki nema hálfur skammtur.  Hef reynt sum kvöld að fá mér ekki kvöldmat heldur boozt

En svo er það ræktin eftir vinnu, hjóla svoldið, labba aðeins, lyfta og kannski teygja - en held ég hendist svo heim í sturtu .. sé til, langar mest til að leggjast í sjóðandi heitt bað!

Nóg sagt ... ógerlega sykurlöngun er að gera vart við sig og ég þarf að finna mér eitthvað gera til að losna við hana

Góðan daginn,

   Við vinkonurnar enduðum á að fara með skottið á milli lappana í Hreyfingu - svakalega er maður vanafastur! Á tímabili vorum við næstum komnar út í buisnessumræður! (s.s. kaupa gömlu Hreyfingu og halda henni á lífi með verðskrá sem almennt fólk réði við

  En s.s. við fórum 2svar í síðustu viku í ræktina og ræddum um að nú ÆTLUM við að taka þetta á hælinn!  Það er ekki hægt að hafa eytt morðfjár í einkaþjálfun (ásamt öllum tímanum og púlinu sem fór í það fyrir 2 mánuði og láta það svo drabbast niður!?  Þannig að planið er ræktin 2-3svar í viku og taka aðeins á því. 

  Mataræðið kemur svona inn og út í dagskránni, get tekið einn dag þar sem mér gengur mjög vel og næsta dag langar mig svo herfilega í sykur og koffín að ég á ansi erfitt með að hemja mig.  Ég hef þó reynt að eiga sem minnst af þessu til heima þannig ég falli ekki í gryfjuna að fá mér eitt .. og svo eitt til viðbótar og áður en ég veit af er pokinn búin og ég fúl út í sjálfan mig.

  Annað er það nú s.s. ekki á þessum mánudegi.  Eigið góðan dag og gangi ykkur vel

Gleðilegt ár allir!

  Er búin að hafa það mjög gott yfir hátíðarnar, örugglega of gott - hef reyndar ekki verið að vigta mig neitt sérstaklega undanfarna mánuði þannig að ég er ekki alveg dómbær á það.

  Við vinkonurnar vorum komnar á fullt skrið í ræktinni og að reyna að ná stjórn á mataræðinu og þess háttar, svo koma jólin með allt sitt havarí og maður leyfði sér eitt og annað.  Vinkonan stakk af í sólina og sumarylinn en ég hélt ótrauð áfram að mæta 2svar í viku í ræktina.

  Nú loks verður af flutningum ræktarinnar og haldið ekki að mánaðargjaldið hafi hækkað upp úr öllu valdi - greinilega verið að velja inn í stöðina!  Fáránlegt!  En ekki meir um það.  Fyrir okkur stöllurnar upphófst nú leit að nýrri stöð sem við gætum leyft okkur með góðri samvisku að styrkja.

  Fundum hana loks í gær eftir að hafa farið á smá heilsuræktar-leitarrúnt.  Ofan á varð Baðhúsið og allt sem því fylgir .. lúkkar amk nokkuð vel eftir breytingarnar.  Þannig að stefnan er tekin á að byrja á 5 mánaða tilboðskorti þar og sjá hvernig okkur líkar og hvernig gengur. Ef vel til tekst er maður kannski farin að tala um árskort seinna meir.

  Mataræðið er í startholunum.  Búið er að útrýma sætindum á heimilinu og tekin ákvörðun um einn nammidag á viku og einnig að ef okkur langar í eitthvað "viðbjóðslegt" þá er aðeins einn take away dagur í vikunni (aka pizza, hamborgari osfrv).

  Einnig er ég svoldið spennt að sjá hvernig gengur hjá kunningjakonu minni sem var að fara inn á Reykjalund í "aðhalds" prógrammið.  Hver veit nema maður blikki doksa og fái að prófa það ... mér veitir ekki af því.

  Byrjaði annars nýja árið ekki nógu vel, vaknaði á nýársmorgun vel kvefuð, með hita og þreytt -var þannig fyrstu 3 dagana af árinu. Kvefið hefur nú ekki yfirgefið mig, heldur situr sem fastast og fékk félagsskap í vikunni Herra Þurr hósti!  Nú ét ég sólhatt og c vítamín í lítravís - passa að mér verði ekki kalt og reyni að fá næga hvíld.

  En það þýðir ekkert að væla yfir því ... segir maður ekki bara að Fall sé faraheill?

  Svo er spennandi að sjá hvað úr verður með árið 2008, nokkrar pælingar í gangi þó aðallega hjá viðhenginu, verður spennandi að sjá hvort rætist úr því   Ég vona það þó hann sé svoldið ragur í þessu

  Adios amigos ...

  er búin að liggja heima á byrjun nýs árs með kvefpest ... svo ég skrifa meira seinna

  Ég er þekkt fyrir að vera mikill pælari og það hefur oft valdið mér veseni.  Ég get t.d. pælt í því sem ég er að spá í að taka mér fyrir hendur í dágóðan tíma án þess að gera nokkuð í málinu.  Þessvegna er ég svoldið fegin að hafa drifið mig í ræktina með vinkonu minni.

  Og nú er tímum okkar hjá þjálfaranum lokið í bili, við höfum þó ákveðið að fá okkur þjálfa aftur einhvertíman seinna kannski eftir 2 mánuði, kannski 6 eða kannski 12 .. hver veit!  Við fáum þó aðgang að þjálfaranum sem við vorum hjá þannig að við getum svoldið leitað í hans upplýsingabanka ef það er eitthvað - sem er gott að hafa bakvið eyrað.

  En nú er komin sá tími að kortið mitt í líkamsræktarstöðinni er að renna út, ég nefnilega gerðist djörf og ákvað að styrkja stöðina í 3 mánuði ... frekar en að styrkja þau í heilt ár eða meira.  Og nú er ég komin í vangaveltur hvert ég á að fara - mér líst vel á nýju stöðina sem er á planinu hjá þeim ... EN því miður líst mér ekki eins vel á verðskránna sem fylgir henni.

  En nú þarf ég að passa mig að pæla ekki um of í þessu!  Bara skella mér á aðra þrjá mánuði eða svo og halda ótrauð fram veginn, því ef ég pæli of mikið í þessu veit ég að ég á eftir að stoppa og hætta í bili .. og mig langar það ekki!  Ég finn of mikinn líkamlegan mun á mér eftir aðeins 2x í viku í 2 mánuði (það gera samt rúmlega sólarhing sem maður hefur eytt í ræktinni ..ekki slæmt)  og mig langar að finna enn meiri og betri mun á mér .. tala nú ekki um eftir jólin.

  Ég hef alls ekki tekið mataræðið í gegn - enda s.s. ætlaði ég ekki að taka nema eitt fyrir í einu, annað er ég nokkuð vissum að vaxi mér í augum og ég gefist upp fyrr en varir.  Sem betur fer samt .. á ég góða vinkonu sem hangir með mér og peppar mig áfram!

  Einhver spurði um "Tölurnar blessaðar" langar að koma því á framfæri að þær bíða betri tíma, ég ætla ekki alveg að spá í þeim strax.  Mér dugir að taka eitt og eitt inn í einu.  Það viðurkennist þó að ég skelli mér annað slagið á vigtina, svona til að "be in touch with reality" og vita hvert ég vil stefna og svona ... en ég ætla að geyma að fylla út meira þar þar til ég er komin á betra skrið.

  Svo langar mig - eftir jól - að taka smá ddv á þetta, ég myndi þó ekki fara í ddv á fullu blasti heldur auka hlut grænmetis og ávaxta hjá mér og svo hægt og rólega reyna að komast enn betur í ddv.  Hver veit svo nema þegar líkamlega og andlega sjálfið hefur náð góðri tengingu þá skelli maður sér aftur í ddv?

  Gleðilega hátíð!